‘சுதர்சன சக்ரம்’ வான் பாதுகாப்பு அமைப்பு கேடயம் - வாள் போல செயல்படும் - முப்படை தலைமைத் தளபதி

இந்தியாவின் புதிய உள்நாட்டு வான் பாதுகாப்பு அமைப்பான ‘சுதர்சன சக்ரம்’, நாட்டுக்கு கேடயம் மற்றும் வாள் போல செயல்படும் என்று முப்படை தலைமைத் தளபதி அனில் சௌஹான் செவ்வாய்க்கிழமை தெரிவித்தார்.

- 

மெள (ம.பி), ஆக. 26:

மேலும் இந்த வான்பாதுகாப்பு அமைப்பு, இஸ்ரேலின் பிரபல ‘அயர்ன் டோம்’ போன்றது என்றும் அவர் குறிப்பிட்டார்.

மத்திய பிரதேச மாநிலம், மெளவில் நடைபெற்ற முப்படை களின் கருத்தரங்கு நிகழ்ச்சியில் கலந்து கொண்டு தலைமைத் தளபதி அனில் சௌகான் பேசியதாவது:

‘ஆபரேஷன் சிந்தூர்’ நடவடிக்கையில் இருந்து, இந்தியா பல முக்கியமான பாடங்களைக் கற்றுக்கொண்டுள்ளது. அவை தற்போது நமது பாதுகாப்பு வியூகங்களில் பயன்படுத்தப்படுகின்றன. எதிர்காலப் போர்களில் வெற்றிபெற, தொழில்நுட்பம், கூட்டு நடவடிக்கைகள் மற்றும் ஒருங்கிணைந்த தளவாட மேலாண்மை ஆகியவை மிகவும் அவசியம்.