தேசிய கல்விக் கொள்கையை அனைத்து மாநிலங்களும் அமல்படுத்த வேண்டும்

குடியரசு துணைத் தலைவர் ஜகதீப் தன்கர்

- 

புதுச்சேரி, ஜூன் 17: உலகளவில் சிறந்ததாக கருதப்படும் தேசிய கல்விக் கொள்கையை அமல்படுத்தாத மாநிலங்கள் அமல்படுத்த வேண்டும் என்று, குடியரசு துணைத் தலைவர் ஜகதீப் தன்கர் கேட்டுக்கொண்டார்.

புதுவை மத்திய பல்கலைக்கழகத்தில் செவ்வாய்க்கிழமை நடைபெற்ற மாணவர்கள், பேராசிரியர்கள் மற்றும் அலுவலர்களுடனான கலந்துரையாடல் நிகழ்வில் அவர் பேசியதாவது:

அரசு வேலைக்காக பல்வேறு பயிற்சி மையங்களில் சேரும் நிலையைத் தவிர்த்து அறிவுசார் பொருளாதாரத்தைப் பலப்படுத்தும் வகையில், மாணவ, மாணவிகள் புதிய நிறுவனங்களைத் தொடங்க வேண்டும். அவை உலகத் தரத்தில் அமைய வேண்டும். இந்திய இளைஞர்கள் புத்திசாலிகளாகத் திகழ்கின்றனர். அதனால், உலகளவில் இந்தியா தலைநிமிர்ந்து நிற்கிறது.