உக்ரைன் மீது ரஷியா 298 ட்ரோன்களை ஏவி தாக்குதல்: 12 பேர் உயிரிழப்பு

உக்ரைன் தலைநகர் கீவ் மீது தொடர்ந்து இரண்டாவது நாளாக ரஷியா நடத்திய ட்ரோன் மற்றும் ஏவுகணைத் தாக்குதலில் 12 பேர் உயிரிழந்ததாக அதிகாரிகள் ஞாயிற்றுக்கிழமை தெரிவித்தனர்.

- 

கடந்த மூன்று ஆண்டுகளில் இல்லாத அளவுக்கு உக்ரைன் நாட்டை குறிவைத்து 298 ட்ரோன்கள், 69 ஏவுகணைகள் என மொத்தம் 367 ஆயுதங்கள் மூலம் மிகப்பெரும் வான்வழித் தாக்குதலை ரஷியா நடத்தியதாக உக்ரைன் விமானப் படை செய்தித் தொடர்பாளர் யூரி இஹ்னாத் தெரிவித்தார்.

இந்தத் தாக்குதலுக்கு ஈரானில் வடிவமைக்கப்பட்ட ஷாஹீத் ட்ரோன்களும் பயன்படுத்தப்பட்டுள்ளதாக அவர் கூறினார். ஆனால், இந்தத் தாக்குதல் குறித்து ரஷியா எவ்வித தகவலும் தெரிவிக்கவில்லை.