இந்தியா மீது உலகின் பார்வை: பிரதமர் மோடி பெருமிதம்

'இன்றைய காலகட்டத்தில் ஒட்டுமொத்த உலகின் பார்வையும் இந்தியா மீது பதிந்துள்ளது; இந்தியா என்ன சிந்திக்கிறது என்பதை அறிய உலக நாடுகள் ஆர்வம் காட்டுகின்றன' என்று பிரதமர் நரேந்திர மோடி பெருமிதத்துடன் குறிப்பிட்டார்.

- 

புது தில்லி, மார்ச் 28:

புது தில்லி பாரத மண்டபத்தில் தனியார் ஊடக நிறுவனம் சார்பில் 'இந்தியாவின் இன்றைய சிந்தனை' என்ற தலைப்பில் வெள்ளிக்கிழமை நடைபெற்ற கருத்தரங்கில் பிரதமர் பங்கேற்றார். அப்போது, அவர் பேசியதாவது:

இன்றைய இந்தியா, உலகளாவிய ஒழுங்குமுறையில் பங்கேற்பது மட்டுமன்றி உலகின் பாதுகாப்பான எதிர்காலத்தை வடிவமைப்பதிலும் பங்காற்றுகிறது. இந்தியாவின் முயற்சிகள்-புத்தாக்கங்கள்-கருத்துகளுக்கு முன்னெப்போதும் இல்லாத முக்கியத்துவம் கிடைக்கப் பெற்றுள்ளது. உலகளாவிய தளங்களில் இந்தியாவின் திறன் புதிய உச்சங்களை எட்டி வருகிறது.