பல நாடுகளிலிருந்து தங்கம் கடத்தல்: விசாரணையில் ஒப்புக்கொண்ட கன்னட நடிகை

துபை மட்டுமின்றி அமெரிக்கா உள்ளிட்ட பல்வேறு நாடுகளிலிருந்து தங்கம் கடத்தி வந்ததை வருவாய் புலனாய்வு அதிகாரிகள் (டிஆர்ஐ) விசாரணையில் கன்னட நடிகை ரன்யா ராவ் ஒப்புக்கொண்டதாக அதிகாரிகள் வெள்ளிக்கிழமை தெரிவித்தனர்.

- 

பெங்களூரு, மார்ச் 7:

அதிகாரிகள் அவரின் வீட்டில் நடத்திய சோதனையில் 17 தங்கக் கட்டிகளை கைப்பற்றியுள்ளனர். அவை யும் கடத்தல் தங்கங்கள் என்பதை நடிகை ஒப்புக்கொண்டுள்ளார்.

சிக்மகளூரைச் சேர்ந்த நடிகை ரன்யா ராவ் (33), கர்நாடக காவல் துறையில் மூத்த ஐபிஎஸ் அதிகாரியாக பணியாற்றி வரும் கர்நாடக மாநில காவல் வீட்டுவசதி மற்றும் உள்கட்டமைப்பு வளர்ச்சிக் கழகத் தலைவர் மற்றும் மேலாண் இயக்குநரும், டிஜிபியுமான கே.ராமசந்திர ராவின் வளர்ப்பு மகளாவார். ராமசந்திர ராவின் இரண்டாவது மனைவிக்கும் அவரின் முதல் கணவருக்கும் பிறந்தவர். இரண்டு கன்னட படங்களிலும், 'வாகா' என்ற தமிழ் படத்திலும் இவர் நடித்துள்ளார்.