வாக்குச் சீட்டு முறை குறித்த கேள்வி கூட்டுக் குழு அதிகார வரம்பில் வராது

தேர்தலில் மின்னணு வாக்குப்பதிவு இயந்திரங்களைப் பயன்படுத்த வேண்டுமா அல்லது வாக்குச் சீட்டு முறையில் நடத்த வேண்டுமா என்ற கேள்வி, 'ஒரே நாடு, ஒரே தேர்தல்' மசோதாக்கள் மீதான நாடாளுமன்ற கூட்டுக் குழுவின் அதிகார வரம்புக்கு அப்பாற்பட்டது என்று அக்குழுவுக்கு அளித்த பதிலில் மத்திய சட்ட அமைச்சகம் தெரிவித்துள்ளது.

- 

மக்களவை மற்றும் பேரவைகளுக்கு ஒரே நேரத்தில் தேர்தல் நடத்தும் ஒரே நாடு, ஒரே தேர்தல்' நடைமுறையை அமல்படுத்த மத்திய பாஜக அரசு திட்டமிட்டுள்ளது.

இதற்காக, கடந்த ஆண்டு நடை பெற்ற குளிர்கால கூட்டத்தொடரின் போது மக்களவையில் இரு மசோ தாக்கள் மத்திய அரசால் தாக்கல் செய் யப்பட்டன. இந்த மசோதாக்களுக்கு எதிர்க்கட்சிகள் கடும் ஆட்சேபம்

தெரிவித்ததால், அவை நாடாளுமன்ற கூட்டுக் குழுவின் ஆய்வுக்கு அனுப்பப்பட்டன. பாஜக எம்.பி. பி.பி.சௌதரி தலைமையில் 37 உறுப்பினர்கள் கொண்ட இக்குழுவில் 27 மக்களவை எம்.பி.க்கள், 12 மாநிலங்களவை எம்.பி.க்கள் இடம்பெற்றுள்ளனர்.

இந்நிலையில், மீண்டும் வாக்குச் சீட்டு முறைக்கு திரும்புவது குறித்து கூட்டுக் குழுவில் சில உறுப்பினர்கள் பரிந்துரையை முன்வைத்ததாக தெரிகிறது. இந்த விவகாரம் உள்பட உறுப்பினர்களால் எழுப்பப்பட்ட பல்வேறு கேள்விகளுக்கு சட்ட அமைச்சகம் எழுத்துபூர்வமாக பதிலளித்துள்ளது.