பிரதமரின் 2-ஆவது முதன்மை செயலராக சக்திகாந்த தாஸ் நியமனம்

பிரதமர் நரேந்திர மோடியின் இரண்டாவது முதன்மைச் செயலராக இந்திய ரிசர்வ் வங்கியின் முன்னாள் ஆளுநரான சக்திகாந்த தாஸ் (68) சனிக்கிழமை நியமிக்கப்பட்டார்.

- 

புது தில்லி, பிப். 22:

ஏற்கெனவே, பிரதமரின் முதன்மைச் செயலராக பி.கே.மிஸ்ரா உள்ளார். குஜராத் பிரிவைச் சேர்ந்த ஓய்வுபெற்ற ஐஏஎஸ் அதிகாரியான இவர், கடந்த 2019, செப்டம்பர் மாதம் முதல் இப்பதவியை வகித்து வருகிறார்.

இந்நிலையில், பிரதமரின் இரண்டாவது முதன்மைச் செயலராக சக்திகாந்த தாஸை நியமிக்க மத்திய அமைச்சரவை நியமனக் குழு சனிக்கிழமை ஒப்புதல் வழங்கியது.