இரண்டாவது நாளாக பங்குச்சந்தை சரிவு

இந்த வாரத்தின் மூன்றாவது வர்த்தக தினமான புதன்கிழமையும் பங்குச்சந்தை எதிர்மறையாக முடிந்தது.

- 

இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சரிவுடன் முடிவடைந்தன.

உலகளாவிய சந்தைக் குறிப்புகள் எதிர்மறையாக இருந்தன. இதனால், உள்நாட்டுச் சந்தை சரிவுடன் தொடங்கி கீழே சென்றது. பின்னர், ஏற்ற, இறக்கத்தில் இருந்து வந்த சந்தை இறுதியில் சரிவுடன் நிறைவடைந்தது. குறிப்பாக ஐடி, ஃபார்மா, ஹெல்த்கேர், எஃப்எம்சிஜி நிறுவனப் பங்குகள் அதிகம் விற்பனையை எதிர்கொண்ட நிலையில், தனியார் மற்றும் பொதுத்துறை வங்கிகள், மீடியா, மெட்டல், ஆயில் & காஸ் நிறுவனப் பங்குகளுக்கு ஆதரவு கிடைத்தது என்று பங்குவர்த்தகத் தரகு நிறுவனங்கள் தெரிவித்தன.