இந்தியாவை வென்றது ஆஸ்திரேலியா

இந்திய மகளிர் அணிக்கு எதிரான முதல் ஒருநாள் கிரிக்கெட்டில் ஆஸ்திரேலிய மகளிர் அணி 5 விக்கெட்டுகள் வித்தியாசத்தில் வியாழக்கிழமை வெற்றி பெற்றது.

- 

முதலில் இந்தியா 34.2 ஓவர்களில் 100 ரன்களுக்கு 10 பேட்டர்களையும் இழக்க, ஆஸ்திரேலியா 16.2 ஓவர்களில் 5 விக்கெட்டுகள் மட்டும் இழந்து 102 ரன்கள் எடுத்து வென்றது. 3 ஆட்டங்கள் கொண்ட தொடரில், அந்த அணி முன்னிலை வகிக்கிறது.

இந்தியாவின் பேட்டர்கள் வழக்கம்போல் தடுமாற, பௌலிங்கில் ரேணுகா சிங் பலம் காட்டினார். ஆஸ்திரேலிய தரப்பில் அறிமுக பேட்டர் ஜார்ஜியா வோல் அணியின் வெற்றிக்கு பங்களித்தார். பௌலர் மீகன் ஷட், முதல் முறையாக ஒரே இன்னிங்ஸில் 5 விக்கெட்டுகள் கைப்பற்றி அசத்தி ஆட்டநாயகி ஆனார்.