3-ஆவது நாளாக காளை ஆதிக்கம்

சென்செக்ஸ் 598 புள்ளிகள் உயர்வு

- 

இந்த வாரத்தின் இரண்டாவது வர்த்தக தினமான செவ்வாய்க்கிழமையும் பங்குச்சந்தை நேர்மறையாக முடிந்தது. இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் 598 புள்ளிகள் உயர்ந்து நிலைபெற்றது.

உலகளாவிய சந்தைக் குறிப்புகள் நேர்மறையாக இருந்தன. இதன் தாக்கம் உள்நாட்டுச் சந்தையிலும் எதிரொலித்தது. ரிலையன்ஸ் இண்டஸ்ட்ரீஸ், எஸ்பிஐ, இன்ஃபோசிஸ், ஹெச்டிஎஃப்சி வங்கி உள்ளிட்ட முன்னணி பங்குகளுக்கு கிடைத்த வரவேற்பால் சந்தை உற்சாகம் பெற்று மேலே சென்றது. எஃப்எம்சிஜி தவிர வங்கிகள், நிதி நிறுவனங்கள் உள்பட அனைத்துத் துறை குறியீடுகளும் ஆதாயப் பட்டியலில் இருந்தன. இதையடுத்து, சந்தை 3-ஆவது நாளாக நேர்மறையாக முடிந்தது என்று பங்கு வர்த்தகத் தரகு நிறுவனங்கள் தெரிவித்தன.