மீனவர்களுக்கு எதிராக படை பலத்தைத் தவிர்க்க வேண்டும் - இலங்கையிடம் இந்தியா வலியுறுத்தல்

மீனவர்களுக்கு எதிராக எந்தச் சூழ்நிலையிலும் படை பலம் பயன்படுத்துவதைத் தவிர்க்க வேண்டும் என இலங்கையிடம் இந்தியா வலியுறுத்தியது.

- 

எல்லை தாண்டி மீன்பிடிப்பதாகக் கூறி தமிழக மீனவர்கள் தாக்கப்படுவதும், அவர்களைக் கைது செய்து படகுகளைப் பறிமுதல் செய்வதும் தொடர்கிறது.

கூட்டுப் பணிக் குழு கூட்டம்: இந்தியா - இலங்கை கடல் எல்லைப் பகுதிகளில் மீன்பிடிப்பு தொடர்பாக நீண்ட காலமாக நீடித்துவரும் பல்வேறு பிரச்னைகளைக் கையாள இரு நாட்டு அதிகாரிகளும் இடம்பெற்றுள்ள கூட்டுப் பணிக்குழு அமைக்கப்பட்டுள்ளது. இந்தக் கூட்டம் இந்தியாவிலும் இலங்கையிலும் மாறி மாறி நடைபெற்று வந்தது; இரண்டு ஆண்டுகள் இடைவெளிக்குப் பிறகு, 6-ஆவது கூட்டம் செவ்வாய்க்கிழமை கொழும்பில் நடைபெற்றது.