அமைச்சர் ஜெய்சங்கருக்கு ராகுல் காந்தி கடிதம்

இலங்கை கடற்படையினரால் 37 தமிழக மீனவர்கள் கைது செய்யப்பட்ட விவகாரத்தில் உடனடியாக நடவடிக்கை எடுக்குமாறு வெளியுறவுத் துறை அமைச்சர் எஸ். ஜெய்சங்கருக்கு மக்களவை எதிர்க்கட்சித் தலைவர் ராகுல் காந்தி சனிக்கிழமை கடிதம் எழுதியுள்ளார்.

- 

இது தொடர்பாக அவர் எழுதியுள்ள கடிதத்தில் கூறியிருப்பதாவது: கடந்த செப். 21-ஆம் தேதி 37 தமிழக மீனவர்கள் கைது செய்தது; அவர்களின் படகுகளை இலங்கை அதிகாரிகள் கைப்பற்றியது தொடர்பாக இக்கடிதத்தை உங்களுக்கு எழுதுகிறேன். மீனவர்களின் கைது குறித்து மயிலாடுதுறை மக்களவைத் தொகுதி எம். பி. ஆர். சுதா என்னிடம் தெரிவித்தார்.

கைது செய்யப்பட்ட மீனவர்கள் கடலோரப் பகுதியில் மீன்பிடிக்கும் சிறு மீனவர்கள். சம்பவத்தன்று ஆபத்தில் சிக்கிய இலங்கைப் படகை மீட்க முயன்றுள்ளனர்.