மத்திய அரசின் உயர் பதவிகள்: நேரடி நியமன அறிவிக்கை ரத்து

மத்திய அமைச்சகங்களில் காலியாக உள்ள உயர் பதவிகளுக்கு தனியார் துறை நிபுணர்களை நேரடி நியமன முறையில் (லேட்டரல் என்ட்ரி) பணியமர்த்துவதற்கான அறிவிக்கையை ரத்து செய்யுமாறு மத்திய அரசுப் பணியாளர் தேர்வாணையத்துக்கு (யுபிஎஸ்சி) மத்திய அரசு செவ்வாய்க்கிழமை அறிவுறுத்தியது.

- 

இதையடுத்து, நேரடி நியமன முறை தொடர்பாக வெளியிடப்பட்ட விளம்பர அறிவிக்கையை யுபிஎஸ்சி ரத்து செய்தது.

நேரடி நியமன முறைக்கு அரசியல் கட்சிகள் உள்பட பல்வேறு தரப்பினரும் கண்டனம் தெரிவித்த நிலையில், மத்திய அரசு இந்த அறிவுறுத்தலை வழங்கியது.

பல்வேறு மத்திய அமைச்சகங்களில் காலியாக உள்ள 10 இணைச் செயலர்கள், 35 இயக்குநர்கள்/ துணைச் செயலர்கள் என மொத்தம் 45 பதவிகளுக்கு ஒப்பந்த முறையில் நேரடி நியமனம் மேற்கொள்வதற்கான விளம்பர அறிவிக்கையை யுபிஎஸ்சி ஆகஸ்ட் 17-ஆம் தேதி வெளியிட்டது.