காஸா போருக்கு எதிராக அமெரிக்க கல்லூரிகளில் போராட்டம் - நூற்றுக்கணக்கான மாணவர்கள் கைது

பாலஸ்தீனத்தின் காஸா முனை மீது இஸ்ரேல் தொடுத்துள்ள போரை நிறுத்த வலியுறுத்தி, அமெரிக்காவின் பல்வேறு பகுதிகளில் போராட்டத்தில் ஈடுபட்டு வந்த நூற்றுக்கணக்கான கல்லூரி மாணவா்கள் சனிக்கிழமை கைது செய்யப்பட்டனா்.

 

காஸா போருக்கு எதிராக அமெரிக்காவில் கல்லூரி மாணவா்கள் கடந்த ஏப்.17-ஆம் தேதிமுதல் போராட்டத்தில் ஈடுபட்டு வருகின்றனா். பாஸ்டன் நகரில் உள்ள வடகிழக்கு பல்கலைக்கழக வளாகத்தில் கூடாரங்கள் அமைத்து மாணவா்கள் போராட்டத்தில் ஈடுபட்டு வந்த நிலையில், அந்தக் கூடாரங்களைக் கலைத்து சுமாா் 102 மாணவா்களைக் காவல் துறையினா் சனிக்கிழமை கைது செய்தனா்.