வங்கதேசம்: 4-ஆவது முறையாக பிரதமராகிறார் ஷேக் ஹசீனா

வங்கதேசத்தின் 12ஆவது நாடாளுமன்ற பொதுத் தேர்தலில் அவாமிலீக் கட்சி அமோக வெற்றி பெற்றது. இதையடுத்து, அக்கட்சியின் தலைவர் ஷேக் ஹசீனா தொடர்ந்து 4ஆவது முறையாக பிரதமராக உள்ளார்.

- 

எதிர்க்கட்சிகளின் புறக்கணிப்பு மற்றும் வன்முறைகளுக்கு மத் தியில் ஞாயிற்றுக்கிழமை நடை பெற்ற தேர்தலில், சுமார் 40 சதவீத வாக்குகள் பதிவாகின.

வங்கதேச பிரதமரும் அவாமி லீக் கட்சித் தலைவருமான ஷேக் ஹசீனா கோபால்கஞ்ச்-3 தொகுதியில் 2,49,965 வாக்குகளுடன் வெற்றி பெற்றார். கடந்த 1986-லிருந்து அத்தொகுதியில் போட்டியிட்டு வரும் ஹசீனா, 8ஆவது முறையாக வெற்றி பெற்றார். அவரை எதிர்த்து போட்டியிட்ட வங்கதேச சுப்ரீம் கட்சியின் நிஸாம் உதீன் லஷ்கர் 469 வாக்குகளே பெற்றார்.

இந்தியாவின் மேற்கு வங்க மாநி அமைந்துள்ள லத்தையொட்டி அண்டை நாடான வங்கதேசத்தின் நடப்பு நாடாளுமன்றத்தின் பதவிக் காலம் வரும் ஜனவரி 29ஆம் தேதியுடன் நிறைவடைகிறது.

இதையொட்டி, நாடாளுமன்ற பொதுத் தேர்தல் கடந்த நவம்ப ரில் அறிவிக்கப்பட்டது. தேர்தலுக்கு முன்பாக ஒரு தொகுதியில் வேட்பாளர் உயிரிழந்ததால், மற்ற 299 தொகுதிகளில் தேர்தல் நடத் தப்பட்டது.

சுமார் 11.9 கோடி மக்கள் வாக்களிக்க தகுதி பெற்ற இந்தத் தேர்தலில் 27 அரசியல் கட்சிகளைச் சேர்ந்த 1534 வேட்பாளர்களும், 436 சுயேட்சை வேட்பாளர்களும் போட்டியிட்டனர்.