வாழ்வா சாவா ஆட்டம் தென்னாப்பிரிக்காவை இன்று சந்திக்கும் பாகிஸ்தான்

நடப்பு உலகக் கோப்பை போட்டியில் தனது இருப்பை முடிவு செய்ய இருக்கும் ஆட்டத்தில் பாகிஸ்தான் அணி, தென்னாப்பிரிக்காவை வெள்ளிக்கிழமை சந்திக்கிறது.

- 

இந்த ஆட்டத்தில் பாகிஸ்தான் தோற்கும் பட்சத்தில் அரையிறுதி வாய்ப்பை இழக்க நேரிடும். இதில் அந்த அணி வென்றாலும், அரையிறுதி வாய்ப்பைப் பெற, இத்துடன் இனிவரும் அனைத்து ஆட்டங்களிலும் வெல்ல வேண்டும். அத்துடன், தற்போது புள்ளிகள் பட்டியலில் அந்த அணிக்கு முன்னதாக இருக்கும் ஆஸ்திரேலியா அதன் எஞ்சிய ஆட்டங்களில் இரண்டிலாவது தோற்க வேண்டும்.

மறுபுறம், தென்னாப்பிரிக்கா இதில் வெல்லும் பட்சத்தில் அரையிறுதி வாய்ப்பை இன்னும் ஒருபடி நெருக்கிவிடும். தற்போதைய நிலையில் புள்ளிகள் பட்டியலில் அதிக ரன்ரேட்டுடன் இருக்கும் அணி தென்னாப்பிரிக்கா மட்டுமே.