தமிழக பாஜ தேர்தல் பொறுப்பாளராக ஒன்றிய அமைச்சர் பியூஸ் கோயல் நியமனம்

தமிழக சட்டப்பேரவை தேர்தலையொட்டி தமிழக பாஜ தேர்தல் பொறுப்பாளராக ஒன்றிய அமைச்சர் பியூஸ் கோயல் மீண்டும் நியமனம் செய்யப்பட்டுள்ளார்.

- 

மேலும் இணை பொறுப்பாளர்களான 2 அமைச்சர்களும் நியமிக்கப்பட்டுள்ளனர். விரைவில் அவர்கள் தொகுதி பங்கீடு தொடர்பாக எடப்பாடியுடன் ஆலோசனை நடத்த திட்டமிட்டுள்ளனர்.தமிழக சட்டப்பேரவை தேர்தலுக்கு அடுத்த ஆண்டு நடைபெற உள்ளது. தேர்தலுக்கான தேதி ஓரிரு மாதங்களில் வெளியிடப்படும் என்று தெரிகிறது. சட்டப்பேரவை தேர்தலை எதிர்க்கொள்ளும் வகையில் அனைத்து கட்சிகளும் தயாராகி வருகின்றன. சட்டப்பேரவை தேர்தலில் அதிமுக தலைமையிலான அணியில் பாஜ இடம் பெற்றுள்ளது. ஆனால், வேறு எந்த கட்சிகளும் இந்த கூட்டணியில் இன்னும் சேரவில்லை. சில கட்சிகளுடன் பேச்சுவார்த்தை மட்டும் நடந்து வருகிறது. அதே நேரத்தில் கடந்த சட்டப்பேரவை தேர்தலில் அதிமுகவுக்கு பாஜவுக்கு 20 தொகுதிகள் ஒதுக்கியது. அதில் பாஜ 4 தொகுதிகளில் மட்டும் வெற்றி பெற்றது. ஆனால் இந்த முறை பாஜ 60 தொகுதிகளில் போட்டியிட முடிவு செய்துள்ளது. இதற்காக 70 தொகுதிகளின் பட்டியலை கொடுத்து, அதில் 60 தொகுதிகளை கண்டிப்பாக ஒதுக்க வேண்டும் என்று அதிமுகவை வலியுறுத்த உள்ளது.