நடைபயிற்சி செல்வதாக டிரைவரிடம் கூறிவிட்டு அடையாறு ஆற்றில் குதித்து பிரபல தயாரிப்பாளர் கே.ராஜன் தற்கொலை

சென்னை திருவிக பாலம் அருகே தனது காரை நிறுத்தி விட்டு, கார் டிரைவரிடம் நடைப்பயிற்சி செல்வதாக கூறிவிட்டு அடையார் ஆற்றில் குறித்து பிரபல சினிமா தயாரிப்பாளர் கே. ராஜன் தற்கொலை செய்து கொண்டார். இந்த சம்பவம் திரைத்துறையினரிடையே பெரும் அதிர்ச்சியை ஏற்படுத்தியுள்ளது.

- 

ரப்பர் படகில் சென்று சடலத்தை மீட்கும் பணியில் ஈடுபடும் தீயணைப்பு படையினர். கே.ராஜன்.

தமிழ் சினிமாவின் பிரபல தயாரிப்பாளராக வலம் வந்தவர் கே. ராஜன் (85). தயாரிப்பாளரான இவர், கடந்த 1983ம் ஆண்டு ‘பிரம்மச்சாரிகள்' என்ற படத்தின் மூலம் தயாரிப்பாளராக அறிமுகமானார். முன்னணி சினிமா தயாரிப்பாளராகவும் இருந்து வந்தார். கடந்த 2000ம் ஆண்டு சென்னை திரைப்பட விநியோகஸ்தர்கள் சங்க தேர்தலில் நின்று தலைவராக வெற்றி பெற்றவர். நடிகர்கள் பிரச்னை என்றாலும், தயாரிப்பாளர்களுக்குள் பிரச்னை என்றாலும் முதலில் குரல் கொடுப்பவர். தற்போது சினிமா தயாரிக்கவில்லை என்றாலும், சிறு சிறு படங்களுக்கு பண உதவி செய்து வந்தார். கே. ராஜன் சென்னை பழைய வண்ணாரப்பேட்டை கப்பல் போலு தெருவில் தனது குடும்பத்துடன் வசித்து வந்தார்.