சென்னை மெரினா கடற்கரையில் வீடற்ற மக்களுக்கு இரவுநேர காப்பகம்

துணை முதல்வர் உதயநிதி திறந்து வைத்தார்

- 

மெரினா கடற்கரை, அண்ணா பூங்கா அருகில் 86.40 லட்சம் ரூபாய் மதிப்பீட்டில் புதிதாக கட்டப்பட்ட வீடற்றோருக்கான இரவு நேர காப்பகத்தை துணை முதல்வர் உதயநிதி ஸ்டாலின் திறந்து வைத்தார்.

சேப்பாக்கம் - திருவல்லிக்கேணி சட்டப்பேரவை தொகுதிக்குட்பட்ட மெரினா கடற்கரை, அண்ணா பூங்கா அருகில் சென்னை மாநகராட்சி சார்பில் வீடற்றோருக்கான இரவுநேர காப்பகம் கட்டப்பட்டது. ரூ.86.40 லட்சம் செலவில் கட்டி முடிக்கப்பட்ட இந்த காப்பகத்தை துணை முதல்வர் உதயநிதி ஸ்டாலின் நேற்று திறந்து வைத்தார். மேலும், காப்பகத்தில் தங்கிடும் 86 பேருக்கு பாய், தலையணை, படுக்கை விரிப்பு உள்ளிட்ட நல உதவி தொகுப்புகளை வழங்கினார்.