சட்டப்பேரவை தேர்தல் குறித்து சென்னையில் பாஜ தலைவர்கள் முக்கிய ஆலோசனை

கூட்டணியில் பாமக, தேமுதிகவை தக்க வைக்க முடிவு

- 

சட்டப் பேரவை தேர்தல் குறித்து சென்னையில் பாஜ தலைவர்கள் நேற்று முக்கிய ஆலோசனை நடத்தினர். கூட்டணியில் பாமக, தேமுதிகவை தக்க வைத்து கொள்ள முடிவு செய்யப் பட்டது.

தமிழகத்தில் அடுத்த ஆண்டு சட்டப்பேரவை தேர்தல் நடைபெற உள்ளது. தேர்தலை சந்திக்க ஆளுங்கட்சியான திமுக முழுவீச்சில் தயாராகி வருகிறது. அதே நேரத்தில் எதிர்க்கட்சியான அதிமுகவுடன் பாஜ மீண்டும் கூட்டணி அமைத்துள்ளது. இதற்காக பிரதமர் மோடி, அமித்ஷா ஆகியோர் தமிழகம் வந்து மத்திய அரசின் திட்டங்களை எடுத்துக் கூறியுள்ளனர்.

இந்த நிலையில் சட்டப்பேரவை தேர்தல் பணிகளை முடுக்கி விடுவதற்காக பாஜ தேசிய அமைப்பு பொதுச்செயலாளர் பி.எல். சந்தோஷ் நேற்று சென்னை வந்தார். தி. நகரில் உள்ள பாஜவின் தலைமை அலுவலகத்தில் நேற்று முக்கிய ஆலோசனை நடத்தினார்.