வரி வசூலிப்பில் பொதுமக்களிடம் கெடுபிடி

குளச்சல் நகர்மன்ற சாதாரணக் கூட்டம் தலைவர் நசீர் தலைமையில் நடந்தது. ஆணையாளர் கன்னியப்பன், துணைத்தலைவர் ஷெர்லி பிளாரன்ஸ், சுகாதார ஆய்வாளர் பொன்வேல்ராஜ், ஓவர்சியர் சரவணகுமார், மின் பணியாளர் முத்தமிழ் மல்லிகை, நகரமைப்பு ஆய்வாளர் சுதா ஆகியோர் முன்னிலை வகித்தனர். கவுன்சிலர்கள் கலந்து கொண்டனர்.

- 

கூட்டத்தில் நடைபெற்ற விவாதங்களின் விபரம் வருமாறு:

பனிக்குருசு (தி.மு.க.): என் வார்டு பகுதியில் கட்டப்பட்டுள்ள நகர்ப்புற ஆரம்ப சுகாதார நிலையம் திறந்து வைக்கப்பட்டும், செயல்பாட்டுக்கு வரவில்லை. அதை செயல்படுத்த வேண்டும்.

ஆணையாளர்: கட்டிடம் கட்டி கொடுத்தது தான் நம் வேலை. சம்பந்தப்பட்ட துறையினர் தான் செயல்படுத்த வேண்டும்.

ஷீலா ஜெயந்தி(தி.மு.க.): என் வார்டில் அமைக்கப்பட்டுள்ள யோகா சென்டரை பயன்பாட்டிற்கு கொண்டு வரவேண்டும்.