குலசேகரம் அருகே காதலி வீட்டில் தூக்கில் தொங்கிய இன்ஜினியர் மன உளைச்சலால் தற்கொலை

குலசேகரம், ஜூன் 21: குமரி மாவட்டம் குலசேகரம் அருகே காவுவிளை பகுதியை சேர்ந்தவர் துரைசாமி. இவரது மகன் தனுஷ் (22). இன்ஜினியர். கோவையில் உள்ள ஒரு ஐடி நிறுவனத்தில் வேலை பார்த்து வந்தார். ஆகவே தனுஷ், தனது தாய், தங்கையுடன் கோவையில் தங்கி இருந்தார். துரைசாமி மட்டும் திருச்சியில் வியாபாரம் செய்து வருகிறார். தனுஷ், குலசேகரத்தில் பள்ளியில் படித்த போதே சகமாணவி ஒருவரை காதலித்தார்.

- 

கல்லூரி படிப்பு முடித்து வேலைக்கு சென்ற பின்னரும் இந்த காதல் நீடித்துள்ளது. இவர்களின் காதலுக்கு பெண்ணின் பெற்றோர் கடும் எதிர்ப்பு தெரிவித்தனர். சமீபத்தில், தனது மகளுக்கு வேறு இடத்தில் நிச்சயதார்த்தமும் செய்தனர். இதையறிந்த தனுஷ், காதலிக்கு நிச்சயமான மாப்பிள்ளைக்கு, தான் காதலியுடன் எடுத்த போட்டோவை அனுப்பியதால் திருமணம் நின்று போனது.

இந்த நிலையில் நேற்று முன்தினம் காதலியை பார்க்க கோவையில் இருந்து குலசேகரத்துக்கு வந்த தனுஷ், காதலியின் வீட்டு மாடியில் உள்ள சன்ஷேடில் தூக்கில் தொங்கிய நிலையில் சடலமாக கிடந்தார். குலசேகரம் போலீசார் தனுஷின் உடலை மீட்டு பிரேத பரிசோதனைக்காக ஆசாரிபள்ளம் அரசு மருத்துவக்கல்லூரி மருத்துவமனைக்கு அனுப்பி வைத்தனர். இதையறிந்த தனுஷின் பெற்றோர் குலசேகரத்துக்கு வந்தனர். தனது மகன் சாவில் சந்தேகம் உள்ளது. அவரை அடித்து கொலை செய்து விட்டதாக குற்றம் சாட்டினர்.

இந்த நிலையில் நேற்று காலை தனுஷின் உடல், டாக்டர்கள் குழுவால் பிரேத பரிசோதனை செய்யப்பட்டது. பிரேத பரிசோதனை வீடியோ பதிவும் செய்யப்பட்டுள்ளது. இந்த சம்பவம் தொடர்பாக குலசேகரம் போலீசார் வழக்கு பதிவு செய்து விசாரணை நடத்தி வருகிறார்கள்.

திட்டமிட்டு வரவழைத்து கொன்று விட்டனர்