டாஸ்மார்க் ஊழியரை கத்தியால் குத்திவிட்டு 2 லட்சத்து 40 ஆயிரம் ரூபாய் பணத்தை திருடி சென்ற 3 பேர் கைது

நாமக்கல் மாவட்டம் ராசிபுரம் அடுத்த திம்மநாயக்கன்பட்டி பகுதியில் உள்ள அரசு மதுபான கடையில் பெரியசாமி என்பவரது மகன் முத்துசாமி (40) விற்பனையாளராக பணிபுரிந்து வரும் நிலையில் கடந்த 31-05-25 அன்று இரவு 11 மணி அளவில் கடையில் நடைபெற்ற விற்பனை பணத்தை எடுத்துக்கொண்டு தனது இருசக்கர வாகனத்திலிருந்து கடையிலிருந்து சிறிது தூரம் சென்ற நிலையில் 5 பேர் கொண்ட மர்ம கும்பல் கத்தியால் குத்தி அவர் வைத்திருந்த 2 லட்சத்து 40 ஆயிரம் பணத்தை திருடி சென்றனர்.

- 

இது குறித்து படுகாயங்களுடன் முத்துச்சாமி ராசிபுரம் அரசு மருத்துவமனைக்கு சிகிச்சைக்காக அனுமதிக்கப்பட்ட நிலையில் சம்பவம் தொடர்பாக மங்களபுரம் காவல்துறையினர் வழக்கு பதிவு செய்து ராசிபுரம் காவல் துணை கண்காணிப்பாளர் விஜயகுமார் தலைமையில் தனிப்படை அமைத்து தேடி வந்தனர்.

இந்த நிலையில் இன்று வாழப்பாடி-மங்களபுரம் சாலையில் காவல் ஆய்வாளர் ஆனந்த், காவல் உதவி ஆய்வாளர் குணசீலன் ஆகியோர் ரோந்து பணியில் ஈடுபட்டிருந்தனர்.