KLUBRUGBY PERD VAN ANDER KLEUR

Dit woel omtrent soos spanne versterkings nader trek

- MARK WARD

KLUBRUGBY in die Wes-Kaap het 'n nuwe, deursigtiger fase betree met spelers én afrigters wat deesdae openlik aanbiedings en teenaanbiedings oorweeg, terwyl voorbereiding vir 'n belowende seisoen in volle gang is.

Verskeie klubs het die afgelope week hulle voorseisoense programme verskerp, terwyl ander sedert verlede maand hard aan die werk is. Dis egter nie net die oefenvelde wat bedrywig is nie.

Die skindertonge werk ook oortyd met bespiegelings oor speleren coach transfers.

Die klubrugby-landskap het die laaste jare merkbaar verander. Openlike werwing het 'n kernkomponent van voorseisoense beplanning geword, met onderhandelings en ooreenkomste wat toenemend op 'n wyse afgehandel word wat herinner aan wat in die Engelse Premiersokkerliga gebeur.

Saldanha, die Boland-kampioen, staan intussen op die drumpel van 'n oorgangstydperk. Danie de Villiers is as nuwe coach aangestel nadat Rendal Julies besluit het om die tuig neer te lê.