DOLFIE NES CHESLIN NADER AAN AARDE

OM DEUR haar spanmaats as hulle spelers se speler van die jaar aangewys te word, is vir haar 'n groot eer, want sy was aanvanklik nie ernstig oor haar insluiting by die Springbok-Vrouespan nie.

- ■AVRIL FILLIES

WENNERS: Donavan Don, Byrhandr\'{e} Dolf en Sacha Feinberg-Mngomezulu met hulle toekennings.Foto: AVRIL FILLIES

(AVRIL FILLIES)

Byrhandré Dolf moes 'n mind-switch maak nadat sy ernstig aangespreek is deur die Bok-kaptein Nolusindiso (Sindi) Booi oor haar spelerigheid by oefeninge.

Die toekenning laas Donderdag het sy saam met Donavan Don (7's-speler van die jaar) en Sascha Feinberg-Mngomezulu (spelers se speler van die jaar) ontvang.

Dolf (20) van Uitenhage, alombekend as Dolfie, is die kleinste speler op die veld vir 7's of 15's vir die Springbok-doedies.

"Om lid te wees van die Bokspan, of dit nou 7's of 15's is, is net in 'n ander liga. Dissipline en commitment tot die span en jou spanmaats is die belangrikste twee vereistes om nie die span in die steek te laat nie.

"Met daai spelerige mentaliteit het ek by die Bokkamp aangemeld en op my ou trant geoefen, foute gemaak en daaroor gelag. Dis toe dat Booi my eenkant toe roep en sê dis nou 'n ander ball game, want jy speel nou beroepsrugby," het Dolfie aan Son vertel.