VERLOOR OP 6 MAANDE

Couple nie heppie met treatment tydens bevalling

- CARRINGTON SWARTS

TROOS: Derrick Daniels (21) en Firdouws Filander (25) se babaseun is doodgebore. Foto's: ANELE MFAZWE

SY HET in pyn by die Stellenbosch-hospitaal opgedaag, langer as 'n halfuur gewag om gehelp te word en toe aan 'n dooie baba geboorte geskenk.

Firdouws Filander (25) en haar kêrel, Derrick Daniels (21), van Idasvallei in Stellenbosch, sou vir die eerste keer ouers word van 'n baba-seuntjie.

Die paartjie se blydskap het egter op Vrydag 5 Desember in 'n tranedal verander toe hulle met die kleinding se lyk huis toe moes gaan.

Filander was net ses maande swanger toe sy haar baba verloor het.

Daniels vertel op die betrokke dag was hy nog by die werk, toe hy 'n oproep ontvang dat sy meisie by die huis pyne begin kry het.

Die familie het hom eers by die werk gaan oplaai voordat hulle hospitaal toe is.

"Ons kom by die hospitaal waar ek Firdouws se leer gaan trek het. Die man by die venstertjie vra toe hoeveel maande sy is,” vertel Daniels emosioneel.

Daniels sê hy verduidelik toe aan die personeellid dat Filander pyne in haar maag en laerug ervaar.

Die personeellid sê toe dit is 'n noodgeval en Filander moet onmiddellik gehelp word, waarna haar bloeddruk en urine getoets is. Die uitslae is egter nie aan hulle bekend gemaak nie.