'GEBRUIK WATER SPAARSAAM'

DIE Good-party in die Drakenstein-raad het sy kommer uitgespreek nadat die munisipaliteit vandeesweek inwoners aangemoedig het om water spaarsaam te gebruik.

- 

In 'n mediaverklaring het die munisipaliteit gesê hoewel damvlakke laer is as hierdie tyd verlede jaar, is daar geen onmiddellike rede tot kommer nie.

Verantwoordelike watergebruik is egter van kritieke belang om langtermyn-watersekerheid te verseker, het die statement verder gelees.

Louise Pienaar, die uitvoerende direkteur van Ingenieursdienste, het gesê: "Geen nuwe waterbeperkings is ingestel nie, maar dit kan verander as damvlakke aanhou daal of as die nasionale Departement van Water en Sanitasie 'n opdrag uitreik."