Festive is oppad ... hou mooi kop!

ALLO, daai kind... is jy nog orraait? Dis mos al weer amper groot dae.

- ANDRÉ SMITH

Ek loer net vinnig in, want laas jaar het jy mos weer groot gegaan met alles en nog wat toe die festive sy deure nog 'n keer oopgooi.

Ek was nogals half bly vir jou toe jy so op sosiale media uitbasuin oor die lekker tyd wat jy gehad het.

Dis net "checked in at" en "gee myself 'n gawe tyd" met vriende van Namibië.

Toe jy eers hier knap ná Krismis vir my daai stempos stuur waarin jy vra of ek dan nie eens vir jou 'n paar duisend tot ná Nuwejaar kan leen nie, toe weet ek die beursie lê weer bene in die lug.

Seker weer so lekker ge-swipe dat almal kan sien daai bonus het uitgestiek.

Ingeloop

Ek kon jou nie met daai paar duisend uithelp nie, want ek meen maar, ek het my eie gesin gehad om na om te sien.