BREEK BEEN TOE SY OOR FENCE JUMP

'N VROU van 'n informele nedersetting naby Heathfield sit nou met 'n gebreekte been by die huis nadat sy oor 'n heining by die Dieprivier-treinstasie gespring het om 'n trein te vang, want die toegangshek was gesluit.

- 

BUITE AKSIE: Elizabeth van der Melen van Di Gat-plakkerskamp naby Heathfield herstel nou bi die huis nadat sy haar been laas maand gebree het. Foto: ANELE MFAZWI

(ANELE MFAZWI)

Elizabeth van der Melen (49) het vandeesweek oor haar frustrasie gepraat weens die feit dat sy nou vir weke nie kan werk nie, toe Son haar by haar huis by Die Gat-plakkerskamp besoek het.

Volgens Van Melen vang sy soggens 'n trein met haar 14-jarige kleindogter, Lechaune, en twee ander skoolmeisies van die gebied, by die Dieprivier-treinstasie.

Sy het verduidelik hulle vang die trein op Dieprivier, in plaas van Heathfield-stasie, want die gangsters beroof die mense soggens.