IN DIE SOP AS GEVOLG VAN PASTOOR-PEL

TOE Jerome Walley se jare lange vriend Eugene van Wyk, beter bekend as Mega Grace, op 23 November by sy kerk opdaag met 'n bloedrooi Hyundai Grand i10, was die laaste ding op sy mind dat dit 'n gesteelde kar is.

- CHRISLYNN SIAS-LOUW

Mega Grace het boonop verklap sy egskeiding is glo afgehandel en hy het 'n uitbetaling gekry en vir hom die kar gekoop. 'n

Dag later het Walley, van Belhar, egter uitgevind die kar is gesteel.

Hy het onmiddellik 'n plan beraam om die kar tot by die naaste polisiestasie te neem om dit by sy regmatige eienaar te kry. Ná die voorval is hy egter verban uit sy kerk en sy dienste as musical director opgeskort omdat daar nou geglo word dat hy saam met Mega Grace die kar gesteel en daarin gekarwei is.

"Al wat ek wil hê, is vir Eugene om na vore te tree en my vry te spreek van die misdaad. Ek word nou gekyk en gehanteer as misdadiger, maar al wat ek gedoen het, was die eerbiedige ding om die kar na die polisiestasie te neem."

Volgens Walley het hy op Sondag 23 November vir Van Wyk die eerste keer in 'n paar maande gesien.

"My nege maande oue baba is die Saterdag begrawe nadat sy dood is aan kanker.