TEVIN HET VROEG AL GEWEET

DIE akteur en pro wrestler Tevin Eagleson (27) is nie net 'n dikding oppie TV nie hy maak shabba in die regte lewe ook en staan sy plek in die kryt vol as pro wrestler en bokser.

- 

OPPIE KASSIE: Eagleson is tans in die sepie Suidooster as Selwyn te sien.

Eagleson, van Eersterivier, is tans in die sepie Suidooster as 'n booswig te sien en sorg vir groot marakkas in die fiktiewe Ruiterbosch.

Hy vertel hy was al twee keer vantevore vir 'n oudisie vir 'n rol in dié sepie en was albei kere onsuksesvol, maar die derde keer toe slaan hy die jackpot! Nou vervul hy een van sy lifelong dreams en is opgewonde oor wat die toekoms kan oplewer.

Eagleson sê hy was nog altyd sportief en dis hoe hy by boxing betrokke geraak het. In plaas van in die strate hardloop en baklei, het hy die bokskryt gekies.