GE-FIRE OOR HUL 'EETGEWOONTES'

MEER as 30 werknemers van Spar in Moorreesburg is die hel in nadat hulle ge-fire is omdat hulle produkte vanuit die winkel geëet het.

- KHIRSTEN BOOYS

UPSET: Van die werkers wat afgedank is, het voor die winkel ge-protest om hulle ontevredenheid te kenne te gee.

(FACEBOOK)

Die massa-afdankings het op 24 Oktober plaasgevind en die ander op Vrydag 7 November. Dit kom nadat hulle Donderdag dissiplinêr verhoor is.

Sharon Snyers (31), wat ag jaar by dié winkel gewerk het, sê sy en haar kollegas is sonder warning afgedank.

"Ek het by die vrou wat die winkel se geldsake hanteer, gehoor ek is afgedank. Daar was geen tweede kans en geen waarskuwing nie."

Die groep werknemers was glo gewoond om van die rakke af te eet en meen hulle het dit met die toestemming van die vorige eienaar gedoen.

Als het glo ge-change toe die eienaar se skoonseun, Marcel Fourie, sowat drie maande gelede die bestuur van die winkel oorgeneem het.

Volgens Snyers het die vorige bestuurder die werknemers altyd toegelaat om van die produkte te proe.

"Ons kom in en sê ons is honger, dan vat ons sommer 'n dytjie of 'n roll of 'n stukkie koek."

Sy erken dat sommige werknemers advantage daarvan gevat het.

"Maar op die ou end het hulle net sekeres ge-fire. Mense wat meer as ons geëet het, het net warnings gekry."