'DIT IS 'N EER OM DIE HERE TE DIEN'

GELOWIG: David Jantjies meen God beteken alles vir hom. Hy is in beheer van ons lewe. Om God te dien is 'n eer!

- KHIRSTEN BOOYS

DAVID JANTJIES

HY SIEN musiek nie net as 'n mandaat en 'n lewenstyl wat heling bring.

Die gospel-kunstenaar David Jantjies, wat in Macassar grootgeword het, glo sterk dat musiek die krag het om lewens te verander, net soos dit sy eie lewe verander het.

Hy vertel vir hom is musiek nie net 'n passie nie - dit sit in sy gene. "Sing is in my familie! Almal sing," verduidelik hy met trots.

Volgens hom het hy grootgeword in die kerk waar sy pa as pastoor dien en sang was altyd deel van die familie se daaglikse lewe. "As familie het ons altyd saamgesing. Ons het selfs 'n groep gehad wat net uit familie bestaan het, genoem 'Chosen Family'. So, sang was altyd daar," onthou hy.

As seun van 'n pastoor het Jantjies sy kinderjare tussen kerkbanke en sang deurgebring.

"Ek was in die kerk van kleins af," sê hy.

"Dit was my tweede huis - eintlik my eerste huis, want ons het meer tyd daar as by die huis deurgebring."