STOP DIE LORRIE MET EQUITY DEAL

DIE voorgestelde plan van die Suidwestelike Distrikte om 'n equityvennoot te bekom, is besig om die wind van voor te kry.

- 

Hoewel die meerderheid van die klubs op 'n spesiale vergadering hulle ondersteuning aan die SWD gegee het om voort te gaan om 'n deal met UXI Sport te sluit, het die Bridgton Rugbyklub van Oudtshoorn 'n spanner in die works gegooi.

Die klub het in 'n omvattende brief aan die unie se uitvoerende komitee sy kommer oor die voorgestelde vennootskap met UXI Sport uitgespreek.

Die klub glo dat die ooreenkoms "beduidende regs-, bestuursen finansiële risiko's" inhou wat die onafhanklikheid en volhoubaarheid van die unie kan bedreig.

Die klub dreig ook om sy kommer aan SA Rugby oor te dra.

Die nasionale liggaam sal volgens sy beleid sy goedkeuring aan die deal moet gee voordat die unie enige finale besluite kan neem.

Voorbeelde

Hoewel Bridgton in die brief dit duidelik maak dat hy nie gekant is teen die idee van 'n equity partner nie, maan hy egter die unie om deeglik te besin voordat enige bindende ooreenkomste gesluit word.