GESKIET TOE HY PETROL INGOOI

Seun (24) in die prime van sy lewe van hulle geroof, sê ouers

- 

HARTSEER: Sally en Brian Morgan is verpletter ná hulle seun se sinnelose moord. Foto: CHRISLYNN SIAS-LOUW

(CHRISLYNN SIAS-LOUW)

BREYTON MORGAN (24) van Eersterivier was sy ma se oogappel, haar raakvatter-klong en, soos hy telkemale grappenderwys na homself verwys het, "die mooiste man in Suid-Afrika".

Hy is Vrydagaand sinneloos vermoor en van sy familie weggeruk.

Die lewenslustige jongman se dood laat 'n spoor van verwoesting en hartseer agter, asook die vraag: Hoeveel onskuldige bloed moet nog vergiet word voordat dit end kry?

Breyton is Vrydagaand dood toe 'n onbekende skietter op hom en twee ander by die Total-garage in Eersterivier losgebrand het terwyl hulle petrol ingegooi het.

Hy is ag keer raak geskiet - een keer in sy kop, in sy ken en nog ses keer aan die linkerkant van sy liggaam. In 'n laaste heldedaad het Breyton nog met sy liggaam iemand op die agterste sitplek beskerm deur bo op hom te val. Dié daad het heel waarskynlik die lewe van daardie 16-jarige gered.

Sally Morgan, Breyton se hartseer mammie, sê haar lewe sal ná dié sinnelose voorval nooit weer dieselfde wees nie.

Sy vertel: "Omdat die skietery en bendegeweld in die area so erg geraak het, wou ons Beaufort-Wes toe trek om veiliger te wees. Daai kind was my lewe.