VASCO IS KAMPIOEN, BRASSE FAVOURITE

Topspanne pak mekaar Saterdag in die Coke Final

- SPORTREDAKSIE

VASCO da Gama is die verdedigende Coke Cup-kampioen, maar sy coach, Elroy Swartz, glo sy span sal Saterdag as die underdog in die final teen Hanover Park FC in die Athlone-stadion uitdraf.

Die twee spanne het ook vanjaar in Cape Town Tygerberg se kompetisies die septer geswaai, met Vasco wat as liga-kampioen gekroon is en Hanover Park wat met die Knockout-titel weggestap het. Dit is duidelik dat Hanover Park se sterk punt uitklopkompetisies is en hy word nie maklik daarin gestuit nie.

Die span se coach, Ralph Hendricks, het vroeër die seisoen juis gesê die LFA se Knockout trophy, asook die Coke Cup, is sy groot mikpunte.

En nou staan die LFA se KO trophy reeds in die klub se vertoonkas.