ROMEO MET AL SY LIEFDE WEG

DIE steekdood van 'n 16-jarige leerder van Blompark in Gansbaai het nie net sy familie nie, maar die hele gemeenskap hard getref.

- 

KERS: Romeo se kersie is doodgeblaas.

Romeo Olyn (16), 'n leerder van die Agulhas School of Skills, se jong lewe het tot 'n einde gekom toe hy in die rug en bors gesteek is. Die voorval het op 28 September gebeur.

Oberetta Olyn, sy antie, sê Romeo was nie 'n moeilike kind nie.

"Hy was baie skaam en liefdevol. Niemand kon sê hy het skoorgesoek nie."

"Hulle het gehardloop om te sê hy is gesteek. Die een seun het nog gaan kyk en kom sê hy is nie meer met ons nie," het sy bygevoeg.

Ethan Damon (19), 'n ooggetuie, sê hy en Romeo was by sy ma se huis, toe sy oupa gevra het dat hy 'n R50 by sy ouma moet gaan haal. Die verdagte was glo by ten tyde van die voorval by die ouma se huis.