TRAGIESE EINDE VIR VERMISTE MAN (32)

DIE familie van Riedewaan Lubertho Jan (32) van Hopland in Saldanhabaai moet nou sy begrafnis reël in plaas van sy verjaardagparty.

- KHIRSTEN BOOYS

GEVIND: Sy liggaam is glo op dié grondpad gekry.

Dit kom nadat sy die familie se ergste vrese Maandag 'n werklikheid geword toe sy lyk, net vier dae voor sy verjaardag, langs 'n grondpad in Jacobsbaai gevind is.

Sy grootmaakma, Nicolene Baadjies (45), vertel toe die polisie aan haar deur klop, het sy geweet dis slegte nuus.

Riedewaan is Sondag 28 September as vermis aangemeld nadat hy saam met sy meisie by haar neef in Diazville gaan kuier het.

Volgens Baadjies het die meisie teruggekom, maar Riedewaan het agtergebly.

"Daar was seker maar 'n agenda agter dit," sê sy.

Baadjies sê die afgelope week was 'n nagmerrie.

"Ons het gebid dat hy gevind sou word, maar die hoop dat hy lewend gekry sou word, was skraal," vertel Baadjies.