'MEER WERD AS NET 'N R4 000'

Vrou soek vergoeding ná pitbull attack, eienaar voel sy melk dit

- ANELE MFAZWE

Sobekwa by die Kuilsrivier Netcare-hospitaal kort nadat sy laas Donderdag deur twee pit bulls aangeval is.

'N SWANGER vrou van Kuilsrivier is meer as net lucky om nog te lewe nadat 'n buurman se twee pitbulls op haar toegesak het en letterlik die vleis van haar lyf afgeskeur het.

Die 34-jarige Bongeka "Noxy" Sobekwa van Highbury sal na verwagting vandag 'n tweede operasie aan haar regterbeen moet ondergaan. Dié been is veral erg beseer soos die twee honde haar beetgehad het.

Volgens Sobekwa was sy verlede Donderdag op pad winkel toe en het sy in Davisstraat gestap toe die voorval gebeur het.

"Ek het die twee honde gesien. Hulle het my op 'n intimiderende manier genader," het die sewe maande swanger ma gesê.

"Ek het flip-flops aangehad en een van die skoene uitgetrek om die honde daarmee te dreig en weg te jaag.

"Ek het gemaak asof ek die hulle daarmee gaan gooi, maar hulle het reguit na my toe gekom. Toe begin hulle my byt - elkeen van hulle aan 'n been.

"Ek het hulle geslaan met die skoen en gehoop om hulle so weg te slaan.