HY'S MEER AS NET BEAULAH

Paarl se 'praterige' Cole maak naam oppie kassie

- 

COLE Wessels (26) is 'n kêrel vannie Paarl wie se teenwoordigheid en persoonlikheid 'n hele vertrek oombliklik kan ophelder.

Maar daar is soveel meer as net flambojant-wees aan Cole - hy is slim en sommer net 'n flippen nice mens!

Cole kuier deesdae op ons kassies as die stylvolle, energieke en openly queerkarakter Tino in Suidooster. En kykers kan nie uitgepraat raak oor dié karakter met sy sêgoedjies en Beaulah outfitsnie.

As kind het Cole se ma, Jenny Farmer, al geweet haar kind is vir die kunste bestem. Sy het hom ingeskryf vir elke konsert en eisteddfod.

Dis veral in die kerk se toneelstukke waarin Cole uitgeblink het.

"My ma het my in die huis van die Here grootgemaak en dis ook waar ek my liefde vir die kunste ontdek het. My ma het my al die jare support en gehelp om my kuns te verfyn en te verbeter en ek is so dankbaar vir haar.

"Dis wonderlik wat 'n mens kan vermag wanneer iemand jou rug het."

Hy lag wanneer hy onthou hoe hy amper elke jaar die karakter Josef vertolk het.

Nog 'n ding waarvoor Cole as kind, en steeds nou as volwassene, in die Paarl bekend is, is dat hy nooit ophou praat nie.