'SCAMMERS' IS GLO GESOUTE LIEGBEKKE

DIS nie meer tapout jou vyand nie, dis nou cash-out jou vyand!

- KHIRSTEN BOOYS

Die naam Ashwin Martin, beter bekend as die TikTok-influencer "Mr Tapout", is nou op almal se lippe - maar om al die verkeerde redes. Saam met sy vriendin Keziah Steenkamp het hulle na bewering mense ingeloop en 'n web van leuens gespin wat kerke, bejaardes en families miljoene rande uit die sak gejaag het.

Dit het alles begin toe Shamoodah Kader-Bodkin, ook bekend as Shamoodah_kader_mfam, 'n TikTok-creator van Atlantis, en haar man op 'n weekend away saam die couple sou gaan.

"'n Buffet-ete by die One and Only Hotel, en 'n lekker massage vir die hele naweek," vertel sy. Wie gaan dan nou nee sê vir so iets?

Die aanbod het te goed geklink om waar te wees. R500 per persoon vir 'n luukse hotel-ervaring, met Keziah wat voorgegee het sy sou die ander koste dek.

Maar toe kom die verskonings. Eers was dit 'n aunty wat dood is. Toe 'n siek kind.

Leen

"Sy het gesê haar seun het siek geraak en sy moet hom na 'n private hospitaal vat," verduidelik Shamoodah.