MAART SE KRISMIS KOM IN SEPTEMBER

Currie Cup-wenner sluit aan by Stormers

- MARK WARD

GROOT KANS: Dylan Maart is nou in die Stormers se kamp.

(GALLO IMAGES)

DYLAN Maart het twee jaar gelede die First Division-titel met die Boland gewen, is toe as die speler van die jaar gekroon, verlede week het hy die Currie Cup met die Griekwas gewen en nou staan hy op die drumpel om sy drome op internasionale vlak in die kleure van die Stormers te verwesenlik.

Só lyk die ongelooflike pad van die 31-jarige vleuel van Plato in Wellington, waar niks maklik is nie, veral as kennis geneem word dat hy kort nadat hy saam met Franzel September (coach) se span die First Division-titel gewen het, sy werk as stoorman moes prysgee vir 'n "blinde" geleentheid in Kimberley.