SAFCOL DOEN DIE RAMBA

DIE rugbyspan van Safcol het sy onverwagte insluiting as wild card in vanjaar se Gold Cup gevier met die aanstelling van die voormalige Springbok-losvoorspeler Kabamba Floors as coaching consultant vir die nasionale toernooi, asook vir sy veldtog in Boland se gewilde Top-12-reeks.

- MARK WARD

Safcol het vanjaar tweede in die Overberg-streek van die Groot Uitdaagbeker geëindig en sy insluiting het verras. Hy sluit nou aan by Villagers Worcester en Robertson Town as die drie Bolandse verteenwoordigers in die toernooi. Die Gold Cup bestaan vanjaar uit 32 spanne in twee groepe van 16.

Dimitri Jacobs, voorsitter van Safcol, sê hy was self verras met die nuus oor hulle insluiting.

"Ons moederliggaam het 'n voorlegging aan SA Rugby gemaak en ek dink hulle hou van ons groen kleur en speelstyl," het hy geskerts.