VROU NOU SONDER GELD ÉN 'N WENDY

AL WAT Lezuan Smith van Athlone wou doen, was om vir haar dogter, wat binnekort geboorte gee, 'n plekkie van haar eie te kry deur vir haar 'n wendyhuis aan te skaf.

- CHRISLYNN SIAS-LOUW

Nou sit sy sonder die wendyhuis en die geld - wat sy gaan leen het om vir dié wendy te kon betaal.

Dit was nadat sy glo uit R7 000 bedrieg is deur twee gladdebek-skarminkels wat hulle voordoen as "Mndb Constructions", 'n maatskappy wat glo wendyhuise maak en verskaf.

Volgens Smith het haar dogter op Facebook gelees van Mndb, wat glo wendyhouses teen 'n bekostigbare prys verskaf. Die ma en dogter het kontak gemaak en volgens hulle was die maatskappy baie professioneel.

"Ons het ons adres gegee en op 23 Augustus het twee mans, van wie een homself as Michael voorgestel het, na ons huis gekom. Hulle het nog twee ander mans saamgebring wat glo die werk sou doen.

"Ek het vir hulle gesê ek kan nie net die geld vir hulle gee nie en gaan saamry om die materiaal te koop. Die ander twee manne het toe daar gebly en die jaart begin skoonmaak waar die wendyhuis moes kom."