Liefde het nie altyd woorde nodig KYKIE, HOORIE!

IS Augustusmaand ... die maand waarin ons die rol vier wat ons vroue in ons lewe speel.

- ANDRÉ SMITH

Wel, dis nog heelmaand die maand vir die vrou en ek hoop daar word sommer nog hope geleenthede geskep om ons vroue te bederf en hulle te laat besef watter waardevolle rol hulle in ons lewe speel.

Daar is net iets aan die wese van 'n vrou wat ons almal die rustigheid kom gee dat alles orraait sal wees, want mamma sal sorg dat alles orraait sal wees.

Hoe gering of groot die uitdagings ook al kan wees, sy staan altyd gereed met 'n plan om vir gesin en familie 'n veilige hawe te skep.

Haar liefdevolle aanraking bring heling vir 'n seer hart of wanneer daar pyne en skete is, sal sy weet wat om te doen om genesing te bring.

Dis met laasgenoemde dat ek eerstehands kan deel hoe ek daardie helende hand en aanraking gemis het toe ek duisende kilometers van my vaderland ernstig siek geword het.

Anders