VAN ROLSTOEL TOT PREEKSTOEL

TWEE-en-twintig jaar gelede fluister 'n stemmetjie: "Gee jou hart vir die Here." En toe hy wakker skrik, het Radio Tygerberg gespeel. Al wat hy kon hoor, was: "Bekeer jou, bekeer jou.

- 

Pastoor Karel de Poela (57) van Delft het in die vroeë 2000's sy eie tavern oopgemaak en meen as hy vandag terugkyk, was dit eenvoudig nie vir hom nie, want toe sy vrou haar bekeer het, het hy sy rug op God gedraai.

"Die tavern was nie net 'n besigheid nie – dit was 'n plek waar ondergrondse aktiwiteite plaasgevind het. Ek wou niks van kerk weet nie."

Wat hy egter nie geweet het nie, was dat sy vrou, Sarah, haar gebedsgroepies gevra het om in die tavern te bid op die stiller weeksdae.

Sonder sy wete het die atmosfeer begin verander en die tavern het skielik sy gewildheid verloor.

Hy sê hoewel hy baie gefrustreerd was, het hy die tavern se deure permanent gesluit.

Hy vertel dat hy met trane in sy oë sy vrou gevra het om iemand te kry om hom na die Here te lei.

Maar God se plan was nog nie voltooi nie.