Geniet daai sop terwyl jy nog kan

ULLE wat so kla oor alles ... julle kan maar ophou.

- ANDRÉ SMITH

Dis mos weer winter en dié van ons wat van die Wes-Kaap kom, ken mos en weet mos van ons diepe liefde vir 'n koppie of 'n kommetjie sop — al is daar net 'n effense wolkie in die lug.

Dis wie ons is, maar daar is mos dié van ons wat daai soplekkerte soos die pes probeer vermy. Wat die rede daarvoor is, sal net jyself weet.

Dalk is jy lank, lank gelede te veel sop gevoer by die koshuis in die dorp waar jy skoolgegaan het.

Dalk het daar iewers in jou verlede 'n ertjiepit in jou keel gaan vassteek. Ek sal nie weet nie, maar nou wil jy vir jou ma kom slimwoorde gee soos “dit bly ook net sop” of “dis al weer gortsop en vetkoek”.

Twee dae ná mekaar sal jy jou kwart-oor-nege (vrolike en gelukkige)-gesig moet opsit as daar net sop oppie tafel is.

Laag lê

Pasop vir daai bakkie sop wat ingesit word vir die etensuur by die werk.

Dit is wat dit is.