Nuwe lidmaat kry 'n baie ongewone 'verwelkoming'

NET toe die Fouries die aand wil inkruip, kry Maya 'n WhatsApp dat sy Woensdagmiddag Johannesburg toe moet vlieg vir 'n tweedaagse konferensie. Sy moet vir haar baas instaan.

- 

"Ag nee. Ek moet Woensdag Johannesburg toe vir 'n twee dae lange konferensie. Audrey kan dit nie maak nie. Nou gaan ek Angela se verjaardag-ete mis. Jy sal maar alleen moet gaan," sê Maya.

"Dis reg. Ek's seker Angela sal verstaan," reply Edison.

DIE Donderdagaand halfsewe staan Edison voor Angela se deur. Hy lui die klokkie. Toe die deur oopgaan, staan Angela voor hom in 'n pragtige uitrusting.

"Hello, Edison! Welkom! Kom in! Ek's so bly jy kon dit maak," sê Angela.

Edison lyk ietwat sku en sê: "Dankie, dis lekker om hier te wees. Maya kan ongelukkig nie vanaand by ons aansluit nie. Werkverpligtinge, maar sy stuur groete en sê jy moet jou aand geniet.

"Hierdie is van ons," sê Edison en hou 'n bos blomme na Angela uit.

"My gunsteling. Baie dankie,” sê Angela en gee Edison 'n klapsoen op die wang. Die onverwagte soen laat Edison effens ongemaklik voel.

Angela bied Edison 'n glas sjampanje aan en stel hom aan die res van haar gaste voor. Omdat Edison 'n nierkwaal het, besluit hy eerder op lemoensap. Onder die gaste herken Edison 'n paar lidmate, asook die dominee en sy vrou.