'HY HET SY LEWE VOLUIT GELEEF'

Só het 'n mamma van Kuilsrivier altyd vir haar seun gesê voordat hy op sy motorfiets geklim het.

- KHIRSTEN BOOYS

En sy antwoord was altyd: “At least I'll die happy doing what I love,” vertel Chesslynn Jacobs (41). Nooit het Jacobs gedink dié sêding sal 'n werklikheid word nie.

Chaydon Jacobs (23), 'n rugbyspeler van die Elsies Rivier United-rugbyklub, is die afgelope naweek in 'n motorfietsongeluk in Belhar oorlede. Na verneem word, is 'n vrou (61) in dieselfde ongeluk dood.

Jacobs vertel dat sy gewoonlik al haar seun se wedstryde bygewoon het, maar dat sy dié keer ná afloop van haar jonger seun (15) se wedstryd huis toe is.

Volgens haar het Chaydon die oggend voordat hy gaan speel het, in haar kamer gekom en vir haar 'n “thumbs up” gegee.

Net 20 minute voor die ongeluk het sy hom nog gebel om te hoor hoe ver hy is. Hy het toe gesê dat hy ná die wedstryd reguit huis toe sal kom. Toe hy egter later nog nie terug was nie, het sy begin worry.