UIT DIE DOOD SE HAND GEHAAL

PTWEE geleenthede het evangelis Cameron Uithaler (32) van Kuilsrivier die hand van die dood ontsnap. Nou wy hy sy lewe aan die verkondiging van God se Woord. Uithaler reis reg oor die land om 'n boodskap van hoop, versoening en genesing te bring.

- KHIRSTEN BOOYS [e-mail]

"Niemand van ons is perfek nie, maar God is beslis perfek," vertel hy in Kaapstad.

As 'n pastoorskind wat letterlik in die kerk grootgeword het, het hy deur diep waters gegaan voordat hy werklik 'n persoonlike ontmoeting met God sou hê.

Hy vertel dit was in 2007 toe hy in 'n 'n ernstige ongeluk is en na die Tygerberg-hospitaal geneem is om hom aan die lewe te hou.

"Dit was net deur my moeder se vurige gebede tot God dat ek weer opnuut deur God lewe gegun is."

Asof die ongeluk nie genoeg beproewing was nie, het die lewe hom nog 'n slag toegedien.

In 2011 is tuberkulose by Uithaler gediagnoseer. "Ek het deur 'n baie donker tyd gegaan en moes daardeur werk. Maar my pad, net deur die hand van die Here, het my gebring waar ek vandag gesond staan as 'n oorwinnaar," vertel hy.